Husn-e-Akhlaaq series. 2) Sabr (صبر)

Husn-e-Akhlaaq series.

2) Sabr (صبر)

Allah azzawajal farmatay hain,

1) “Ay Logo jo imaan laye ho! Sabr aur namaz se madad lo.”
(Al-Baqarah: 153)

2) “Beshaq sabr karne walon ko inka ajar be-hisaab diya jayega.”
(Az-zumar: 10)

Ahadith-e-Rasool sallallaaho aleyhe wasallam:

1) Sayyedna Ibn e umar RA Se rawayat hai k RasulAllah S ne farmaya, “Jo momin logon k sath mil kar rehta hai aur inki eezaa par sabr karta hai, iska ajar zyada hai is momin se jo logon k sath mil kar nahi rehta aur na hi inki eezaa par sabr karta hai.”
(Ibn Maajah)

2) Sayyidna Sohaib RA se rawayat hai k RasulAllah S ne farmaya, “Momin ka muamla bhi ajeeb hai, beshaq iske har muamle mein iske liye khair hai aur ye sirf momin hi k liye hai. Agar isay khushi pohnchay tou wo shukar ada karta hai jo iske liye khair hai aur agar isay takleef pohnchay tou uspar sabr karta hai jo iske liye khair hai."
(Muslim)

3) Sayyidna Abu Huraira se rawayat hai k RasulAllah S ne farmaya, "Allah ta'laa farmata hai: Mere us momin bandey k liye mere pas jannat k siwaa koi jazaa nahi keh jab main iska koi azeez dunya se uthaa loon aur wo is par sawaab ki niyat se sabr krey.”
(Bukhari)

4) Saabit RA se rawayat hai k Nabi S ne farmaya, "Sabr sadmay k aghaaz me hota hai (bad me tou koi bhi sabr kar jata hai)"
(Bukhari)