Husn-e-Akhlaaq series. 3) Shukr (شكر)

Husn-e-Akhlaaq series.

3) Shukr (شكر)

Allah taa'la ka irshaad hai, 
1) “Aur shukr karne walon me se ho jao.”
(Al-e'raaf: 144)

2) “Pas tum mujhay yad rakho, Main tumhay yaad rakhun ga. Aur Mera shukr adaa karo aur Meri na shukri na karo.”
(Al-Baqarah: 152)

3) “Aur albata tehqeeq Humne Luqmaan ko hikmat ata ki thi k Allah ka shukr guzaar ho aur jo koi shukr krey ga tou beshaq wo apnay liye shukr krey ga aur jo kufr krey ga tou beshaq Allah be-nayaaz, tareef wala hai."
(Luqmaan: 12)

4) “Aur jab tumharay rabb ne khabardaar kar diya tha k agar tumne shukr adaa kiya tou Main tumhen aur zyada dunga aur agar tumne na shukri ki tou beshaq Mera azaab boht shadeed hai."
(Ibraheem: 7)

5) “....Phir isko darust kiya aur iske andar apni rooh me se phoonka aur isne tumharay kaan, aankhain aur dill bnaye, kitna thora tum shukr adaa kartay ho.”
(As-sajdah: 9)

Ahadith-e-Nabvi Sallallaa’ho Alayhe wasallam:

1) sayyidna Abu Huraira se rawayat hai k Nabi S ne farmaya, "Jo logon ka shukr guzaar nahi wo Allah ka bhi shukr guzaar nahi."
(Abu Da'ood)

2) sayyidna Nouman bin Basheer se rawayat hai k RasulAllah S ne farmaya, "Jo thoray par shukr adaa nahi karta wo zyada par bhi shukr adaa nahi kar sakta, jo logon ka shukr guzaar nahi wo Allah ta'la ka bhi shukr guzaar nahi, aur Allah ki nai'maton ka izhaar shukr hai aur inko chor dena naa shukri hai , aur jamaat par rehmat aur firqa bandi azaab hai."
(Ahmad)

3) Sayyidna Abu Bakr Nabi S k baray me farmate huay kehtay hain k jab Aap Sallallaa’ho Alayhe wasallam k pas koi khushi ki baat ati ya aap koi khush khabri doye jatay (Allah ki taraf se) tou Allah ka shukr adaa karne k liye sajday me gir partay."
(Abu Da'ood)

4) Sayyidna Abu Huraira se rawayat hai k Nabi S ne farmaya, "Khana khaa kar shukr adaa karne wala saabir roza daar ka darja paa leta hai."
(Ibn Majaah)

5) aik martaba hazrat Umar RA ne kisi moqa par Nabi S se sawaal kia k "Ya RasulAllah! Hum konsa maal rakh sake hain?" Is par Aap ne farmaya, "Tum me se har aik ko chahye k shukr karne wala dill aur zikr karne wali zubaan aur momina bivi rakhay jo akhirat k muamlay me tumhari madad krey gi."
(Ibn Majaah)

6) Sayyidna Abdullah se rawayat hai k nabi S ne farmaya, "Allah taa'la qayamat k din is aurat ki taraf dekhay ga bhi nahi jo apnay shohar lki naa shukri karti hai halanke wo is se be nayaaz nahi reh sakti."
(Baheki)

Allah hum sab ko apnay shukr-guzaar bandon me shaamil kar lain.. Aameen.