Ghour Aur Fikar Karein

Assalamualakum Warahmatullahe Wabarakatuh,

--------------------------Ghour Aur Fikar Karein-------------------------

Jab tumhari bahen kisi ladke ko apna boy friend banaati hai. to aap ko kitna gussa aata hai??
aap uss ladke ko maarne tak ki dhamki bhi de dete ho. Lekin jab tum kisi ladki ko girl friend banaate ho to. tum logo ko sharm nahi aati.

Kya wo kisi ki beti nahi ???
Kya wo kisi ki bahen nahi..??
Kaan kholkar sunlo..

Girl friend aur boy friend.. Ek khulaa sex ka bazar hai.agr is me jao gy to apna eman kho do gy Tum log apne ghar ki izzat sochte ho.. Dusro ke ghar ki izzat ki tum logo ko koyi parwaah nahi. Ye sab islaam me galat hai. Pehle nikaah fir baad me pyaar. Agar koyi ladka ya ladki iss galat kaam ko karte paaye jaaye to aap uske ghar par shikayat karo..?

Zina : Ek Mard Ek Aisi Aurat Se Sohbat/ Humbistari (Sexual Relation) Kare Jiska Uske Sath Nikah Na Huwa Ho. RasoolAllah SallAllahu Alaihi Wasallam Ne Farmaya: Shirk Ke Baad Allah Ke Nazdik Is Gunah (zina) Se Bada KoiGunah Nahi Ke Ek Shaks Kisi Aurat Se Sohbat Kare Jo Uski Biwi Nahi Aur Jab Koi Mard Aur Aurat Zina Karta Hai To Imaan Unke Sine Se Nikal Kar Sar Par Saye Ki Tarah Thahar Jata Hain. (Mukashefatul Kuloob: Page-168)

Hazrat Ikrema Ne Hazrat Abdullah Ibne Abbas RadiAllahu Anhu Se Pucha Imaan Kis Tarah Nikal Jata Hai.? Hazrat Abdullah Ibne Abbas Ne Farmaya Is Tarah..! Aur Apne Hath Ki Ungliya Dusre Hath Ki Ungliyo Mein Dali Fir Nikal Li Aur Farmaya Dekho Is Tarah. (Bukhari Sharif: Jild-3, Page-614, Hadees -1713)

Hazrat Abu Huraira wa Ibne AbbasRadiAllahu Anhu Se Rivayat Hai Ki Sarkar-e-DoAala m SallAllahu Alaihi Wasallam Ne Farmaya Mo'meen Hote Huve To Koi Zina Kar Hi Nahi Sakta. (Bukhari Sharif : Jild-3, Page-614, Hadees-1714)

Zina Ki Saza Aur Azaab: Hazrat Musa Alayhisalam Ne Rab Ta'ala Ki Bargah Mein Jab Zina Ki Saza Puchi To Allah Ne Farmaya: Usey Aag Ki Jarrah (Lohe Ka Libas Jo Aag Se Bana Hoga) Pehnaya Jayega. Woh Aisa Wajani Hai Ki Agar Bahut Bade Pahad Par Rakh Diya Jaye To Wo Bhi Reja Reja Ho Jaye. (Mukashefatul Kuloob: Page-168)

Allah Ta'ala Farmata Hai Jo Shaks Zina Karta Hai Use Asaam Me Dala Jayega. Asaam Ke Bare Me Ulma-e-Deen Ne Kaha Hai Ki Wo JahannamKa 1 Gaar Hai Jab Uska Munh Khola Jayega To Uski Badbu Se Tamam Jahannami Chikh Uthenge. (Mukashefatul Kuloob: Page-167) 7 Aasman Aur 7 Zamino Aur Pahad Zina Kar Par Lanat Bhejte Hai Aur Qayamat Ke Din Zina Kar Mard Wa Aurat Ki Sharmgah Se Is Qadar Badbu Aati Hogi Ke Jahannam Me Jalne Wale Ko Bhi Is Badbu Se Taklif Hogi. (Bahare Shariat: Page-43)

Zina Karne Wale Shadi Shuda Ho To Khule Maidan Me Pattharo Se Mar Dala Jaye Aur Gair Shadi Shuda (kuwara) Ho To 100 Kode Mare Jaye. (Bukhari Sharif: Page-615, Hadees-1715)

keh dijiye! Agr tum ALLAH Tala se mohabbat rakhte ho to meri tabedari karo khud ALLAH Tala tum se mohabbat karega aur tumhare gunah muaaf farmadega aur Allah Tala bada bakhashne wala maherban hai.(Al-Imran, Aayat:31)

Pyare Aaqa Sallalaho Alayhi Wasallam Ne Irshad Farmaya: Aurato Se Unke Husn Ke Sabab Shadi Na Karo Ho Sakta Hai Uska Husn Tumhe Tabah Kar De, Na Uske Maal Ki Wajahse Shadi Karo Ho Sakta Hai Ke Unka Maal Tumhe Gunaho Me Mubtela Kar De, Balki Deen(Imaan) Ki Wajah se Nikah Kiya Karo Kali, Chapti, Badsura Larki Agar Deendar Ho Toh Behtar Hai (Ibne Maja, Jild 1, Hadees No 1926, Safa 522

Allah tala hume padne aur samaj ne se seyada Aamal karne wala bannady.Aameen suma Aameen