SO KHAOLA OLA KO QUBOR

SO KHAOLA OLA KO QUBOR

========================

.

Phagalowin Tano Lalayon So Khaola ola Ko Qubor Ka An Phaphaka Tadum So Mga Ginaw Tano Sa Para Gi Tano Gi Maka Priparado Ko Kaphatay Tano Sabap Sa Di Katawan o Ginawa Tano o Anda i Kaphatay Niyan Na Go Di Niyan Katawan o Anda Khapantagi a Kapatay

.

So Qubor Na Darpa a Matatawan Go Darpa a Da Baon Pud Go Darpa a Maliboteng

```````````````````

.

Miyaka Tithayan Ko Al-Bara ibni ‘Azib (Radhiallaho ‘Anhoma) Na Piyanothol iyan: “Lominiyo Kami a Pud Ami So Rasulollah (Salallaho ‘Alaihe Wasallam) Ko Kini Dologen Ami Sa Qubor Ko Janazah o isa a Mama Ko Manga Ansar 

.

Na Miyakatalingoma Kami Ko Qubor, Na Kagiya Dn a Maga-an Mapasad a Kapthamboni Ron Na Miyontod So Rasulollah (Salallaho ‘Alaihe Wasallam) 

.

Na Miyamangontod Kamo Ko Meliliyotaon a Tometeren Kami Ka Lagid oba Khidadapoi a Papanok So Manga olo Ami, 

.

Na Komakapet Sa Piyonit a ipephanebek iyan Ko Lopa, Na ini Poro iyan So olo Niyan Na Pitharo iyan: “Pelind-Lindong Kano Ko Allah a Pho-on Ko Siksa Ko Qubor! 

.

Miyaka Dowa Niyan Matharo odi Na Miyakatelo, Oriyan Niyan Na Pitharo iyan: “igira a So Miyaratiyaya Na Aya ini Lebeng Na Makataligomaon So Dowa a Malaikat, 

.

Na Paka Ontodn Niran Suka Niyan Na Tharo-on iranon: ‘Antona i Tohan Ka? Na Matharo iyan: ‘Aya Tohan Ko Na So Allah! 

.

Na Tharo-on iranon: ‘Antona i Agamangka? ‘Na Matharo iyan: ‘Aya Agama Ko Na So islam! 

.

Na Tharo-on iranon: ‘Antona i Mapetharo Ka Sa Makapantag Sangkai a Mama a Siyogo Rukano? ‘Na Matharo iyan: ‘Suka Niyan So Sogo o Allah! 

.

Na Tharo-on iranon: ‘Antona i Minitokaongkaon? ‘Na Matharo iyan: ‘Biyatiya Akn So Kitab o Allah Na Piyaratiyaya Ko Na Go Piyangimbnar Akn Suka Niyan! 

.

Oriyan Niyan Na Mananawag So Pephananawag a Pho-on Sa Langit a Gi-i Niyan Tharo-on: ‘Sabnar a Benar So Oripun Akn Na Dempasen Niyo Sa iga-an a Pho-on Ko Sorga, Na Pakanditara Niyo Suka Niyan Sa Nditaren a Pho-on Ko Sorga Na Go Lekai Niyo Ron So Pinto a izold Sa Sorga! 

.

Na Misampay Ron Dn So Samber a Kalilintad a Pho-on Ko Sorga Na Go So Mamot a Pho-on Ko Sorga, Na Go So Qubor Na Makabelang Sa Taman Sa Kharnan Ko Kailay Niyan. 

..........

.

Oriyan Niyan Na Aya Peman inaloy o Rasulollah (Salallaho ‘Alaihe Wasallam) Na igira a Aya Miyatay Na So Kafir. 

.

Pitharo iyan: ‘Mata-an a So Kafir Na Phakandoden non So Niyaw Niyan Ko Lawas iyan Na Phaka-omaon a Dowa a Malaikat, Na Phaka Ontoden Niran, 

.

Na Tharo-on iranon: ‘Antona i Tohan Ka? ‘Na Matharo iyan: Hah! Hah! Di Ko Katawan, 

.

Na Tharo-on iranon: ‘Antona i Agamangka? Na Matharo iyan: Hah! Hah! Di Ko Katawan, 

.

Na Tharo-on iranon: ‘Antona i Mapetharo Ka So Makapantag Sangkoto a Mama a Siyogo Rukano? Na Matharo iyan: Hah! Hah! Di Ko Katawan. 

.

Na Mananawag So Pephananawag a Pho-on Sa Langit a Gi-i Niyan Tharo-on: Miyamokhag Na Dempasen Niyo Sa iga-an a Pho-on Ko Apoy Sa Naraka Na Pakanditara Niyo Sa Nditaren a Pho-on Ko Apoy Sa Naraka, Na Lekai Niyo Ron So Pinto Ko Naraka 

.

Na Misampay Ron Den So Kayaw Niyan Ago So Karangka Niyan, 

.

Na So Qubor iyan Na Gimpisen Niyan Suka Niyan Na So Tolan Niyan Manga Gusok iyan Na Maka Thotongkasa.

.

(رواه أبوداوُدِ، بَاب المسألة فى القبر..رقم: 4753)

.

COMMENT:

Kabaya o Taw a Maka Lidas Ko Kasiksa'an Ko Qubor Na Siyapa Niyan So Sambayang iyan Sabap Sa Aya Miya Aloy Na Aya Pagletan o Mo'min Go So Kafir Na So Sambayang

.

Allahu 'Alam

``````````````````

.

عَنِ الْبَرَاءِ بْنِ عَازِبٍ رَضِىَ اللهُ عَنْهُمَا قَالَ: خَرَجْنَا مَعَ رَسُوْلِ اللهِ (ﷺ) فِىْ جَنَازَةِ رَجُلٍ مِنَ الْأَنْصَارِ فَانْتَهَيْنَا إِلَى الْقَبْرِ وَلَمَّا يُلْحَدْ فَجَلَسَ رَسُوْلُ اللهِ (ﷺ) وَجَلَسْنَا حَوْلَهُ كَأَنَّمَا عَلَى رُؤُوْسَنَا الطَّيْرُ وَفِىْ يَدِهِ عُوْدٌ يَنْكُتُ بِهِ فِى الْأَرْضِ، فَرَفَعَ رَأْسَهُ فَقَالَ: اسْتَعِيْذُوا بِاللهِ مِنْ عَذَابِ الْقَبْرِمَرَّتَيْنِ أَوْ ثَلَاثًا قَالَ: وَيَأْتِيْهِ مَلَكَانِ فَيُجْلِسَانِهِ فَيَقُوْلَانِ لَهُ: مَنْ رَبُّكَ؟ فَيَقُوْلُ: رَبِّىَ اللهُ، فَيَقُوْلَانِ لَهُ: مَا دِيْنُكَ؟ فَيَقُوْلُ: دِيْنِىَ الإِسْلَامُ، فَيَقُوْلَانِ لَهُ: مَا هَذَا الرَّجُلُ الَّذِىْ بُعِثَ فِيْكُمْ؟ قَالَ فَيَقُوْلُ: هُوَرَسُوْلُ اللهِ (ﷺ)، فَيَقُوْلَانِ: وَمَا يُدْرِيْكَ؟ فَيَقُوْلُ: قَرَأْتُ كِتَبَ اللهِ فَآمَنْتُ بِهِ وَصّدَّقْتُ قَالَ: فَيُنَادِىْ مَنَادٍ مِنَ السَّمَاءِ أَنْ قَدْ صَدَقَ عَبْدِىْ فَأَفْرِشُوْهُ مِنَ الْجَنَّةِ وَأَلْبِسُوهُ مِنَ الْجَنَّةِ وَافْتَحُوا لَهُ بَابًا إِلَى الْجَنَّةِ قَالَ: فَيَأْتِيْهِ مِنْ رَوْحِهَا وَطِيْبِهَا قَالَ: وَيُفْتَحُ لَهُ فِيْهَا مَدَّ بَصَرِهِ قَالَ: وَإِنَّ الْكَافِرَ، فَذَكَرَ مَوْتَهُ قَالَ: وَتُعَادُ رُوْحُهُ فِىْ جَسَدِهِ وَيَأْتِيْهِ مَلَكَانِ فَيُجْلِسَانِهِ، فَيَقُوْلَانِ لَهُ: مَنْ رَبُّكَ؟ فَيَقُوْلُ: هَاهْ هَاهْ لَا أَدْرِىْ، فَيَقُوْ لَانِ لَهُ: مَا دِيْنُكَ؟ فَيَقُوْلُ: هَاهْ هَاهْ لَا أَدْرِىْ، فَيَقُوْلَانِ لَهُ: مَا هَذَا الْرَّجُلُ الَّذِىْ بُهِثَ فِيْكُمْ؟ فَيَقُوْلُ: هَاهْ هَاهْ لَأ أَدْرِىْ، فَيُنَادِىْ مُنَادٍ مِنَ السَّمَاءِ أَنْ كَذَبَ فَأَفْرِ شُوْهُ مِنَ النَّارِ وَأَلْبِسُوهُ مِنَ النَّارِ وَافْتَحُوا لَهُ بَابًا إِلَى النَّارِ قَالَ: فَيَأْتِيْهِ مِنْ حَرِّهَا وَسَمُوْمِهَا قَالَ: وَيُضَيَّقُ عَلَيْهِ قَبْرُهُ حَتَّى تَخْتَلِفَ فَيْهِ أَضَلَاعُهُ..رواه أبوداوُد